Dr erscht E-LKW mit 630 km Riichwiti uf dr transport-CH i dr Hauä 2.2, am Stang B012.
Fahret jetz öichi Dischtanze emissionsfrei u mit maximaler Riichwiti.
Mit der wäutwiit erschte elektrische Sattuzugmaschine mit ere Batteriekapazität vo 1000 Kilowattstunde bringt der Schwiizer Elektromobilitäts-Spezialischt Designwerk d Innovation füre Färnverchehr uf d Strass. Je nach Region u Route chöit der mit bis zu 50 Tonnä Gsamtgwicht fahrä.
Maximali Leischtig bi minimale Emissione.
Einzigartigi E-Riichwiti.
Vou belade (42 T) bis zu 630 Kilometer.
Churzi Standzyte
Mit 350 kW Ladeleischtig i 1,7 Stunde uf 80% SoC lade
Umfangriichi Ufbouoptione
AC-Abgang mit bis zu 22 kW für Awändige wie E-Chüeu-Trailer
Unerreichti E-Riichwiti
Mit de 1000 kWh Batteriekapazität fahred der mit eme Gsamtzuuggwicht vo 42 Tonnä 630 Kilometer, bi 50 Tonne Gsamtzuuggwicht 560 Kilometer. So wiit chunt im Fau ke Angerä.
I Kombination mit ere Ladeleischtig vo 350 kW leit der HIGH CÄb sEMI 6X2t 1000e vo Designwerk nid nume längi Dischtanze ohni Nochelade zrügg, är ladt sogar während eme Znüni öppä d Höufti vor Batteriekapazität wider uf. Mit em 2024er Mega Charging chsch i nid auzu färner Zuekunft i 36 Minute voulade. Ab Anfang 2024 isch d Variantä mit 1000 kWh europawiit mit ISO-Trailer fahrbar.
Starchi Leischtig
Die vier elektrischä Atribsmotorä bringä 680 PS mit erä 5-fach höcherä Effiziänz as der Disler uf d Strass. Ds stufelose Getribe sorgt fürnes ruckufreis Aafahrä und es eimaligs Rekuperationspedau für e höchscht Fahrkomfort. Zäme mit ere einzigartige Riichwiti si üsi E-LKW meh aus nur e Disu-Ersatz.
Weniger Emissione
Im Betrib verursache üsi E-LKW keni lokale Emissione. So wird üsi Umwäut nid mit Ruesspartiku, NOX, CO2 und Motorälärm belaschtet. D Fahrzügbatterie chöi aus stationäri Spicher quasi ime zwöite Läbe widerbruucht u spöter recyclet wärde. Wenn e sogenannti “Well-to-Wheel” Betrachtig luegsch, de gsehsch dass die elektrischi Sattuzugmaschine gägenüber eme normale Diesler je nach Land u Strommix bis zu 79% weniger CO2-Emissione verursacht.
Höchi Wirtschaftlechkeit
Dank der höche Effizänz u em Wägfau vo fossile Brönnstoff hei d Designwerk-Fahrzüg töiferi variabli Betribs- und Wartigschöschte. Glichzitig profitiert öie Betriib vom e bessere Imitsch und – je nach Land – vo Stürvorteile oder eme Erlass vo Schwärverchehrs-, Länkigsabgabe sowie Maute. I der Schwiiz sparet der jährlech öppä 150.000 Stutz a variable Chöschtä.
Weit der no meh wüssä?
Denn chöit der hie e Zuegang zu de detaillierte Datebletter u Öpdeits zu Produkt und nöie Entwicklige beaträge.
